Thursday, 11 July 2019

செயல்பாட்டுக்கு தடை போடும் உத்தரவை திரும்பப் பெறக் கோரி



செயல்பாட்டுக்கு தடை போடும் உத்தரவை திரும்பப் பெறக் கோரி நிர்வாகத்திற்கு BSNL ஊழியர் சங்கம் கடிதம்
உறுப்பினர் சரிபார்ப்பு தேர்தல் நடைமுறைகள் நிறைவடையும் வரை எந்த ஒரு போராட்டத்திலும் ஈடுபடக் கூடாது என 02.07.2019 தேதியிட்ட கடித எண்: BSNL/5-1/SR/2018 மூலமாக விண்ணப்பித்திருக்கும் அனைத்து சங்கங்களின் பொதுச்செயலாளர்களுக்கும் BSNL நிர்வாகம் உத்தரவிட்டுள்ளது. தொழிற்சங்கங்களின் அங்கீகாரம் 2019, மே மாதத்துடன் முடிவடைந்து விட்டதாகவும் அந்தக் கடிதத்தில் குறிப்பிடப்பட்டுள்ளது. இந்த காலகட்டத்தில் விண்ணப்பித்திருக்கும் சங்கம், ஏதாவது போராட்ட நடவடிக்கைகளில் ஈடுபட்டது என்றால் அந்த சங்கத்தை உறுப்பினர் சரிபார்ப்பு தேர்தலில் போட்டியிடுவதில் இருந்து தடை செய்யப்படும் என்றும் அந்தக் கடிதத்தில் மிரட்டல் விடப்பட்டுள்ளது. நிர்வாகத்தின் இந்த வாதம் பொருத்தமற்றது மட்டுமல்ல, நாட்டின் தொழிலாளர் நலச்சட்டங்களை மீறுவதும் ஆகும். இந்த அர்த்தமற்ற கடிதத்தை திரும்ப பெற வேண்டும் என நிர்வாகத்திற்கு BSNL ஊழியர் சங்கம் கடிதம் எழுதியுள்ளது. பதிவு செய்யப்பட்ட சங்கம் என்ற அடிப்படையில், சட்டபூர்வமான நடவடிக்கைகளில் ஈடுபட BSNL ஊழியர் சங்கத்திற்கு அனைத்து உரிமைகளும் உள்ளது. இது தொடர்பாக முதன்மை தொழிலாளர் நல ஆணையரிடமும் ஒரு புகார் கொடுக்கப்பட்டுள்ளது. தேவைப்படும் எனில், தனது தொழிற்சங்க உரிமைகளை பாதுகாக்க, BSNL ஊழியர் சங்கம் நீதிமன்றத்திற்கும் செல்லும்.

Sunday, 30 June 2019

உண்ணாவிரத போராட்டம்...


BSNL க்கு 4G அலைக்கற்றை ஒதுக்க்டு செய்க, ஒப்பந்த ஊழியர்களுக்கு நிலுவை ஊதியங்களை உடனே வழங்குக மற்றும் ஆட்குறைப்பு செய்யாதே என CITUவின் பொதுச்செயலாளர் தோழர் தபன் சென் மத்திய தொலை தொடர்பு அமைச்
BSNLன் நிதி நிலைமை தொடர்பாக மீடியாக்களில் வரும் செய்திகள் கவலையடையச் செய்துள்ளதாக தெரிவித்து CITU வின் பொதுச்செயலாளர் தோழர் தபன் சென் அவர்கள் மத்திய தொலை தொடர்பு அமைச்சர் திரு ரவிசங்கர் பிரசாத் அவர்களுக்கு கடிதம் எழுதியுள்ளார். 4G அலைக்கற்றையை உடனடியாக BSNLக்கு வழங்க வேண்டும் என்றும் அந்நிறுவனத்தின் வலைத்தள விரிவாக்கத்திற்கு தேவையான பொருளாதார உதவிகளை செய்ய வேண்டும் என்றும் அவர் கோரியுள்ளார். மேலும் ஒப்பந்த ஊழியர்களுக்கு தர வேண்டிய ஊதிய நிலுவையை உடனடியாக வழங்க வேண்டும் என்றும், அவர்களை ஆட்குறைப்பு செய்வதை கைவிட வேண்டும் என்றும் கேட்டுக் கொண்டுள்ளார். அதிகப்படியான பணி ஓய்வுகள் தொடர்ந்து வருவதால், விருப்ப ஓய்வு திட்டம் மற்றும் ஓய்வு பெறும் வயதை 60லிருந்து 58 ஆக குறைப்பது ஆகிய முன்மொழிவுகளை கைவிட வேண்டும் என்றும் CITUவின் பொதுச்செயலாளர் அந்தக் கடிதத்தில் கேட்டுக்கொண்டுள்ளார்.

BSNL CMD ஆக இருந்த திரு அனுபம் ஸ்ரீவாஸ்தவா பணி ஓய்வு



திரு அனுபம் ஸ்ரீவாஸ்தவா பணி ஓய்வினை ஒட்டி தற்காலிக BSNL CMDஆக MTNL CMD திரு P.K.புர்வார் 3 மாதங்களுக்கு செயல்படுவார்.
BSNL CMD ஆக இருந்த திரு அனுபம் ஸ்ரீவாஸ்தவா பணி ஓய்வு பெற்றுள்ளதை ஒட்டி இடைக்காலமாக MTNLvCMD திரு P.K. Purwar, CMD BSNL ஆக கூடுதலாக செயல்படுவார் என்றும், அவர் 3 மாத காலத்திற்கு அல்லது நிரந்தரமான CMD BSNL நியமிக்கப்படும் வரை இந்த பதவியில் செயல்படுவார் என்றும் தெரிவிக்கப்பட்டுள்ளது.

Wednesday, 26 June 2019

தொடர் உண்ணாவிரத போராட்டம்.




2019 ஜூலை2,3,4 தேதிகளில் BSNLEU & TNTCWU மாநில சங்கங்கள் தொடர் உண்ணாவிரத போராட்டம்...

தோழர்களே..
BSNL ல் பணியாற்றும் ஒப்பந்த ஊழியர்களுக்கு சம்பள நிலுவை என்பது 4 முதல் 6 மாதங்கள் என உயர்ந்து கொண்டே போகிறது.  நிறுவனத்தின் நிதி நிலைமையை நிர்வாகம் காரணம் காட்டுகிறது.  மற்றவற்றிற்கு கடன் சொல்ல முடியும்.  பசிக்கும் வயிற்றிற்கும், பாலுக்கு அழும் குழந்தைகளுக்கும் நம்மால் பதில் சொல்ல முடியவில்லை.  அரசின் கொள்கைகளால் BSNL என்கிற பொதுத்துறை மட்டுமல்ல; அதில் பணியாற்றும் ஒப்பந்த ஊழியர் குடும்பங்களும் பசியோடும் பட்டினியோடும் பரிதவிக்க வேண்டிய நிலை.  இதனை கண்டித்தும், ஒப்பந்த ஊழியர்களுக்கு உரிய தேதியில் ஊதியம் வழங்க வேண்டும் என வலியுறுத்தியும் நம் இரு சங்கங்களும் நடத்தி வரும் தொடர் போராட்டங்களை மேலும் கூர்மைப்படுத்துவோம்.
                                                                                                                                                                                                                    பிரச்சனைக்கு முடிவு எட்டும் வரை போராட்டத்தை முன்னெடுத்து செல்வோம்..

அடுத்த கட்டமாக BSNL ஊழியர் சங்கம் மற்றும் TNTCWU ஆகியவற்றின் சார்பாக அனைத்து மாவட்ட தலைநகரங்களிலும் ஜூலை 2,3,4 தேதிகளில் தொடர் உண்ணாவிரத போராட்டம் நடத்த முடிவு செய்யப்பட்டுள்ளது..

மாவட்ட மட்ட போராட்டத்திற்கு பிறகு விரைவில் சென்னையில் சங்கமிப்போம்..

போராட்டமே நமது ஆயுதம்..வெற்றியே நமது இலக்கு..

இந்த போராட்டங்களை வலுவாக நடத்திடுவோம்.  ஊதியத்தை பெற்றிடுவோம்.

ஒன்றுபடுவோம்..
போராடுவோம்..
வெற்றி பெறுவோம்..

BSNLEU & TNTCWU
மாநிலச் சங்கங்கள்..

GM(Rectt) உடன் BSNL ஊழியர் சங்கம் சந்திப்பு



GM(Rectt) உடன் BSNL ஊழியர் சங்கம் சந்திப்பு
BSNL ஊழியர் சங்கத்தின் துணை பொதுச்செயலாளர் தோழர் சுவபன் சக்கரவர்த்தி அவர்கள் 17.06.2019 அன்று GM(Rectt) திருமிகு சமிதா லூத்ரா அவர்களை சந்தித்து கீழ்கண்ட விஷயங்களை விவாதித்தார். 

JTO LICE தேர்வு முடிவுகள்:- 26.05.2019 அன்று நடைபெற்ற 2017-18ஆம் ஆண்டிற்கான JTO LICE தேர்வு முடிவுகளை பரிசீலனை செய்து, தவறான/ பல சரியான மற்றும் குழப்பமான பதில்களை கொண்டிருக்கும் கேள்விகளுக்கும், பாடப்பகுதிக்கு வெளியில் இருந்து கேட்கப்பட்ட கேள்விகளுக்கும் முழுமையான மதிப்பெண்களை அனைவருக்கும் வழங்க வேண்டும் என நமது சங்கத்தின் சார்பில் கோரப்பட்டது. இதற்கு பதிலளித்த GM(Rectt) அவர்கள் STANDARD OPERATION PROCEDURE படி கேள்வித்தாள் குறித்த ஊழியர்களின் குறைகள் தொடர்பாக பரிசீலிக்க நிபுனர் குழு ஒன்றை ஏற்கனவே அமைத்து விட்டதாக தெரிவித்தார். BSNL ஊழியர் சங்கம் கொடுத்துள்ள விவரங்களை அந்த நிபுனர் குழுவின் பரிசீலனைக்கு அனுப்பப்படும் என்றும் அவர் தெரிவித்தார். ஒரு குறைந்த கால அளவிற்குள் இந்தப் பணிகள் முடிக்கப்படும் என்றும் அவர் தெரிவித்தார். 

TT LICE தேர்விற்கான கட்டணம் திரும்ப பெற வேண்டும்:- 08.09.2019 அன்று நடைபெற உள்ள TT LICE தேர்விற்கு நிர்வாகம் கட்டணம் செலுத்த வேண்டும் என அறிவித்துள்ளதை திரும்ப பெற வேண்டும் என்றும், கடந்த காலங்களில் இம்மாதிரியான தேர்வு கட்டண முறை இருந்ததில்லை என்றும் நமது சங்கத்தின் சார்பில் சுட்டிக்காட்டப்பட்டது. இந்த பிரச்சனையில் தலையிட்டு கவனிப்பதாக GM(Rectt) உறுதி அளித்துள்ளார்.

JE இலாகா தேர்விற்கான தேதியை அறிவிக்க வேண்டும்:- JE இலாகா தேர்வினை OFF LINE மூலமாக நடத்த வேண்டும் என்கிற BSNL ஊழியர் சங்கத்தின் கோரிக்கையினை நிர்வாகம் ஏற்கனவே ஏற்றுக் கொண்டு விட்டது. எனினும் தேர்விற்கான தேதியினை கார்ப்பரேட் அலுவலகம் இன்னமும் இறுதி செய்யாமல் உள்ளது. இந்த பிரச்சனையை நமது சங்கத்தின் சார்பாக முன் வைத்த போது, அதற்கன பணிகள் இறுதிக் கட்டத்தில் உள்ளதாகவும், அனேகமாக ஆகஸ்ட் மாதத்தில் இந்த தேர்வு நடைபெறும் என்றும் GM(Rectt) தெரிவித்தார்.