. ரூபாயின் மதிப்பு ஏன் குறைந்தது?

ஷோமே கமிட்டி தெரியுமா?

இந்தியாவில் அதிகமாக முதலீடு செய்துள்ள நாடு எது தெரியுமா? இந்தியப் பெருங்கடலில், ஆப்பிரிக்காவுக்கு அருகில் அமைந்துள்ள சின்னஞ்சிறு தீவான மொரீஷியஸ்தான். பொதுவாக, வெளிநாட்டு முதலீடுகளுக்கு இந்தியாவில் மூலதன ஆதாய வரி விதிக்கப்படும். இந்த வரியை தங்கள் நாட்டிலும் கட்டலாம் அல்லது இந்தியாவிலும் கட்டலாம். மொரீஷியஸில் மூலதன ஆதாய வரி 0%. இதனால் இந்தியாவில் முதலீடு செய்யும் பன்னாட்டு நிறுவனங்கள், மொரீஷியஸில் பெயருக்கு ஓர் அலுவலகத்தை திறந்து விடுகின்றன. சட்டப்படி அங்கு பதிவுசெய்துவிட்டு, அங்கிருந்து இந்தியாவில் முதலீடு செய்கிறார்கள். இதனால் மூலதன ஆதாய வரியாக செலுத்தவேண்டிய பல்லாயிரம் கோடி அவர்களுக்கு லாபம்.

வோடஃபோன் நிறுவனம் இப்படி 11,000 கோடி ரூபாய் மூலதன ஆதாய வரியைச் செலுத்தாமல் தப்பித்தது. 'அதைக் கட்டவேண்டும்’ என்ற டெல்லி உயர் நீதிமன்றத்தின் உத்தரவை, 'செலுத்தத் தேவையில்லை’ என உச்ச நீதிமன்றம் தள்ளுபடி செய்தது. இதைத் தொடர்ந்து அப்போது நிதி அமைச்சராக இருந்த பிரணாப் முகர்ஜி, வரி தவிர்ப்பு நடவடிக்கைகளுக்கு எதிரான பொது விதியை (General Anti Avoidance Rules) உருவாக்கினார். இதன்படி, வரி தவிர்ப்பை மட்டுமே நோக்கமாக கொண்ட வெளிநாட்டு முதலீட்டுகளுக்கு வரிச் சலுகைகள் ரத்து செய்யப்படும். உண்மையாகவே இந்தச் சட்டம் இந்தியாவுக்கு நன்மை செய்யக்கூடியதுதான். ஆனால், பன்னாட்டு நிறுவனங்களோ... 'நாங்கள் மொத்தமாக முதலீடுகளைத் திரும்பப் பெற்றுவிடுவோம்’ என்று மிரட்டின. இதற்கிடையே சிதம்பரம் நிதி அமைச்சர் ஆனார். வந்த வேகத்தில் ஷோமே கமிட்டி (Shome Committee) யை அமைத்து, பிரணாப் அமைத்த விதியை ஆராயச் சொன்னார். எதிர்பார்த்ததுப் போலவே அந்த கமிட்டி ஆராய்ந்து, 'பன்னாட்டு நிறுவனங்களுக்கு வழக்கம்போலவே வரிச் சலுகைகளை வழங்கலாம்’ என்று பரிந்துரைத்தது. அதைச் சிதம்பரமும் ஏற்றுக்கொண்டார்.

இந்த மொரீஷியஸ் நிறுவனங்களுக்கு மூலதன ஆதாய வரியை முறையாக வசூலித்தாலே, ஒவ்வோர் ஆண்டும் பல லட்சம் கோடி ரூபாய் வருமானம் இந்தியாவுக்குக் கிடைக்கும்!

 by  ஆனந்த விகடன்

சூது கவ்வும்

சூது கவ்வும்

சிரியாவில் ரசாயன ஆயுத தாக்குதல் நடை பெற்றது அமெரிக்காவின் திட்டமிட்ட சதியே என்பது தற்போது அம்பலமாகியிருக்கிறது. சிரியாவில் பஷார் அல் அசாத் அரசிற்கு எதிராக அமெரிக்கா உள்ளிட்ட நாடுகளின் ஆதரவுடன் செயல்பட்டு வரும் ஆயுதக்குழுவினர் உள் நாட்டுப் போரில் ஈடுபட்டு வருகின்றனர். இதில் தொடர்ந்து அமெரிக்க ஆதரவு ஆயுதக் குழுவினர் பின்னடைவை சந்தித்து வருகின்றனர்.

இந்நிலையில் ஆகஸ்ட் 21ம் தேதி சிரிய தலைநகர் டமாஸ்கஸின் கிராமப்புற பகுதி களில் போரின் போது ரசாயன ஆயுதங்கள் பயன் படுத்தப்பட்டு ஏராளமான அப்பாவி மக்கள் கொல்லப்பட்டனர். இதையடுத்து ஐ.நாவின் சார்பாக ஆய்வு குழு ரசாயன ஆயுதங்களை பயன்படுத்தியது யார் என்பது குறித்து ஆய்வு செய்து வருகின்றனர். ஆய்வு முடிவு வருவதற் குள் சிரிய ராணுவம்தான் ரசாயனத் தாக்குதலை நடத்தியிருக்கிறது. அதனால் சிரியா மீது நேரடி யாக ராணுவத்தாக்குதல் நடத்தியே தீரு வோம் என அமெரிக்கா அவசரகதியில் அடாவடியான நடவடிக்கைகளில் ஈடுபட்டு வருகிறது. இதற் கான பின்னணி தற்போது வெளிவந்துள்ளது.

கடந்த 6 மாதங்களுக்கு முன்பு ஜனவரி 29ம் தேதி பிரிட்டனில் இருந்து வெளிவரும் டெய்லி மெயில் பத்திரிகை ஒபாமா அரசு தனது ஆதரவு ஆயுதக்குழுவினர் மூலம் ரசாயன ஆயுதங்களை பயன்படுத்தச் செய்து பழியை பஷார் அல் அசாதின் மீது சுமத்துவது; பின்னர் அதனையே காரணமாகக் கொண்டு நேரடி ராணுவத் தாக்கு தல் நடத்துவது எனத் திட்டமிட்டிருப்பதாகச் செய்தி வெளியிட்டிருந்தது.

அதற்கு ஆதாரமாக பிரிட்டனில் உள்ள பிரிதம் ஆயுத நிறுவனத்தின் மூலம் ரசாயன ஆயுத சப்ளை செய்வதற்கான மெயில் பரிமாற்றங்கள் மற்றும் முன்னதாக ஆயுதக் குழுவினர் முயல்கள் அடங்கிய அறை யில் ரசாயன ஆயுதங்களை பயன்படுத்தி அதன் விளைவை பார்ப்பது உள்ளிட்ட வீடியோக்களை யும் இணைத்து வெளியிட்டிருந்தது.

இதற்கான மூல ஆதாரங்களை மலேசியாவில் உள்ள ஒரு கணினி ஹேக்கர் மெயில்களை ஹேக் செய்த தில் இருந்து டெய்லி மெயில் நிறுவனத்திற்கு வழங்கியிருக்கிறார் என்பதும் தெரியவந்திருக் கிறது. அமெரிக்காவில் ஏற்பட்டிருக்கும் பொருளா தார நெருக்கடியில் ஏற்கனவே டெட்ராய்ட் நகரம் திவாலானதாக அறிவிக்கப்பட்டு விட்டது. நியூ யார்க் நகருக்கு காலக்கெடு நிர்ணயிக்கப்பட் டிருக்கிறது.

அமெரிக்காவின் நிதி நிலை மிகவும் கவலைக்கிடமாக இருந்து வருகிறது. வரும் அக்டோபர் மாதம் மத்தியில் அமெரிக்காவின் கடன் உச்சவரம்பு அளவான 16.7 லட்சம் கோடி அமெரிக்க டாலர் என்ற அளவை உயர்த்தா விட்டால், அமெரிக்கப் பொருளாதாரம் மிகப் பெரிய தீங்கைச் சந்திக்க வேண்டிய நிலை ஏற் படும் என்று அந்நாட்டின் நிதித்துறை அமைச்சர் ஜேக்கப் லீ அந்நாட்டின் நாடாளுமன்றத் திற்கு கடிதம் எழுதியுள்ளார்.

இந்நிலையில் எப்படியாவது சிரியா மீது போர் தொடுத்து அதன் மூலம் அமெரிக்காவில் எழுந்து வரும் பொருளாதார நெருக்கடியை தீர்த்துக் கொள்ள வழி காண வேண்டும் என ஓபாமா குறி யாக இருந்து வருகிறார். ஆனால் நெடுநாட் களுக்கு இந்தச் சூழ்ச்சி பலனளிக்காது. இது போன்ற அடாவடிகளுக்கு எதிராக உலக மக்கள் விழிப்படையும் போது அமெரிக்க ஏகாதி பத்தியம் தலைகுப்புறவிழும்.

சொந்த மக்களை காப்பாற்ற கையாலாகாத அமெரிக்க அர சிற்கெதிராக அந்நாட்டு மக்களே கிளர்ந்தெழு வார்கள்.By Theekathir.

கார்ட்டூன்

BSNL Casual Contract workers on 48 hours Dharna in W.Bengal

Posted by vannamboodiri in BSNLCCWF - Casual and Contract workers

The casual & contract workers in W.Bengal are sitting on 48 hours dharna at Kolkata demanding regularisation of the left-out casual labours (numbering 2270 in WB alone), wages as per the government orders etc. The dharna is being held from 29th August onwards. Leaders of BSNLEU and BSNLCCWF have discussed the above issues several time with the management but without any results. Hence the Dharna. Coms. Animesh Mitra, Vice-President, BSNLCCWF and Dy.GS, BSNLEU, Tapas Ghosh, Secretary General BSNLCCWF and others are leading the dharna. We demand the management to discuss with the union and settle the issue without further delay.
Com.V.A.N.Namboodiri, President BSNLCCWF and BSNLEU has sent message to Shri A.N.Rai, Directort (HR), BSNL demanding to intervene and to settle the issues.

78.2விழுக்காடு பஞ்சப்படி கேட்டு பிஎஸ்என்எல்-டிஓடி ஓய்வூதியர்கள் தர்ணா

78.2விழுக்காடு பஞ்சப்படி கேட்டு பிஎஸ்என்எல்-டிஓடி ஓய்வூதியர்கள் தர்ணா

---

சென்னை, ஆக. 29 -

ஓய்வூதியர்களுக்கும் 78.2 விழுக்காடு பஞ்சப்படியை உடனடியாக வழங்க வேண் டும் என்று வலியுறுத்தி அகில இந்திய

 பிஎஸ்என்எல்- டெலிகாம் துறை (டிஓடி) ஓய்வூதியர் சங்கம் சார்பில் வியாழனன்று (ஆக.29) தமிழ கம் முழுவதும் தர்ணா போராட்டம் நடைபெற்றது.புதிய பென்சன் மசோ தாவை திரும்ப பெற வேண் டும், டிஓடி ஓய்வூதியர் களுக்கு மாதம் 1200 ரூபாய் மருத்துவப்படி வழங்க வேண் டும், பிஎஸ்என்எல் ஓய்வூதி யர்களுக்கு நிறுத்தப்பட்ட மருத்துவப்படியை மாதந் தோறும் திரும்ப வழங்க வேண்டும்; ஆண்டு வரம்பு, புதிய சம்பளத்தில் 30 நாட் களாக உயர்த்த வேண்டும்.

பிஎஸ்என்எல்-லில் இருந்து 1.10.2000 முதல் 31.7.2011 வரை ஓய்வு பெற்றவர்களுக்கு உள்ள ஓய்வூதியக் குறைபாட்டை சரி செய்ய வேண்டும்.இறுதியாக பெற்ற ஊதியத்தில் 60 விழுக் காட்டை ஓய்வூதியமாக வழங்க வேண்டும், குடும்ப ஓய்வூதியத்தை குறைந்தபட் சம் 3880 ரூபாயாக உயர்த்த வேண்டும், இறுதிச்சடங்கு நிதியாக 15ஆயிரம் ரூபாய் வழங்க வேண்டும், டிஓடி ஓய்வூதியர்களுக்கு பிராட் பேண்ட் சலுகை நீட்டிக்க வேண்டும், ஓய்வூதியர் களுக்கு குடியிருப்பு வாடகை, அடிப்படை ஊதியத்தில் 10விழுக்காடு என நிர்ண யிக்க வேண்டும் என்பன உள்ளிட்ட 23 அம்ச கோரிக் கைகளை வலியுறுத்தி இந்த போராட்டம் நடைபெற் றது.

இக்கோரிக்கைகளை வலியுறுத்தி கோவை, ஈரோடு, வேலூர், சேலம், திருச்சி, திருநெல்வேலி, காரைக் குடி, மதுரை, நாகர்கோவில் உள்ளிட்ட இடங்களிலும் தர்ணா நடைபெற்றது. அதன் ஒரு பகுதியாக சென்னை அண்ணாசாலையில் உள்ள பிஎஸ்என்எல் தமிழ்மாநில தலைமை பொது மேலாளர் அலுவலகம் முன்பு தர்ணா நடைபெற்றது.இப்போராட்டத்திற்கு டி.கோதண்டம், பி.சுப்பிர மணியன் ஆகியோர் தலைமை தாங்கினர். சங்கத்தின் தமிழ் மாநிலச் செயலாளர் சி.கே. நரசிம்மன் போராட்டத்தை தொடங்கி வைத்தார்.

அகில இந்திய அமைப்புச் செயலா ளர் கே.ஆறுமுகம், பிஎஸ் என்எல்இயு மாநிலச் செய லாளர்கள் எஸ்.செல்லப்பா (தமிழ்மாநிலம்), கே.கோவிந் தராஜ் (சென்னை தொலை பேசி), அகில இந்திய துணைத் தலைவர் புனிதா உதய குமார், மத்திய அரசு பொதுத் துறை ஓய்வூதியர் சங்க ஒருங் கிணைப்பாளர் ஏ.சுந்தரம் உள்ளிட்டோர் பேசினர். ஏ.சாய்ராம் நன்றி கூறினார்.

கார்ட்டூன்

நினைக்கவே பகீரென்கிறதே!

நினைக்கவே பகீரென்கிறதே! 
- பழ.கருப்பையா எம்எல்ஏ

---

பன்னாட்டு முதலாளிகளுக்கு தேசமும் கிடை யாது; தேசபக்தியும் கிடையாது. பணத்தை மடியில் கட்டிக் கொண்டு நாடு நாடாக அலையும் நாடோடிகள் அவர்கள்! நாம் ஒரு விடுதியில் தங்கி விட்டு ஒட்டு பற்று இல்லாமல் காலி செய்து விட்டு வந்து விடுவது போன்றதுதான் அவர்கள் முதலீடு செய்கிற நாடுக ளோடு அவர்களுக்குள்ள உறவும்! எது இலாபகர மானது என்று பார்த்து வரு வார்கள்; இங்கே மேய்ந்து முடிந்த பிறகு பச்சை தெரி கிற இன்னொரு நாட்டுக்குப் போய் விடுவார்கள்!

அமெரிக்கா சுணக்கமாக இருந்தபோது இங்கே வந்தார்கள்; சுணக்கம் நீங்கி நிமிர்ந்து விட்டது என்ற வுடன் புறப்பட்டுவிட் டார்கள்! வளரும் நாடுகளை விட வளர்ந்த நாடுகள் சிறந்தவைதானே!இந்தியா இயந்திரவியலில், தொழில்நுட்பத்தில் பின்தங்கிய நாடு. மேலைநாட்டாரிடம் போய்ச் சப்பான் கற்றுக் கொண்டதுபோல, டெங் ஜியாபிங்கின் சீனாவும் கற்றுக் கொண்டதுபோல, நாமும் அவர்களை அவர் களுடைய முதலீட்டோடும் தொழில்நுட்பத்தோடும் பிடித்துக் கொண்டு வந்து, கன்னத்தில் அரகரா போட்டுக் கொண்டுகூட கற்றுக் கொள்ளலாம்!

அந்த முதலீடும் ஓரளவு நிலையானதாக இருக்கும்!வர்த்தக முதலீடுகளுக்கு அவர்களின்மீது சாய்ந்திருந்து விட்டு முட்டை உருவி விட்டானே என்று சொல்வதில் பயனில்லை!அமெரிக்க பெடரல் ரிசர்வின் ஒரு சிறு சமிக்ஞை இந்தியாவை மட்டுமா ஆட்டியது? பிரேசிலில் இருந்து இந்தோனேசியா வரை பல நாடுகள் படபடத்துப் போய் விட்டனவே!ஆனால் இவ்வளவு குறுகிய நாள்களில் மிகவும் பாதிப்படைந்தது இந்தியாதான்!

பிடி என்ன நம் முடைய நிதியமைச்சர் சிதம்பரத்திடமா இருக்கிறது? இந்திய ரூபாய் முழுக்கால் அளவுக்கு வேட்டி கட்டியிருந்தது; அது இப்போது முழங்கால் அளவுக்குக் குறைந்து துண்டாகிவிட்டது! இதுவும் குறைந்து கோவணமாகி விடுமோ என்னவோ!

- தினமணி நாளிதழ் (28-08-2013) கட்டுரையிலிருந்து...

கார்ட்டூன்

 

ஒப்பந்த ஊழியர்களின் நாடு தழுவிய கண்டன ஆர்ப்பாட்டம் (06-09-2013 )

ஒப்பந்த ஊழியர்களின் நாடு தழுவிய கண்டன ஆர்ப்பாட்டம் (06-09-2013 )

06-09-2013 அன்று ஒப்பந்த ஊழியர்களின் நாடு தழுவிய கண்டன ஆர்ப்பாட்டம் 

பெரும்பாலான மாநிலங்களில் ஒப்பந்த தொழிலாளர்களுக்கு,குறைந்தபட்ச ஊதியம் கார்ப்பரேட் அலுவலக உத்தரவுப்படி வழங்கப்படுவது இல்லை மேலும் அவர்களது ஊதியங்கள்,பணியாளர் வருங்கால வைப்பு நிதி & ஈஎஸ்ஐ பங்களிப்புகளின் ஒரு கணிசமான பகுதி ஒப்பந்தக்காரர்கள் மற்றும் நேர்மையற்ற அதிகாரிகள்  மூலம் சூறையாடப்படுகின்றன. . தொழிலாளர்கள் தங்கள் ஊதியங்கள், பணியாளர் வருங்கால வைப்பு நிதி & ஈஎஸ்ஐ சலுகைகள் கோரி, போராட்டத்தில் செல்லும் போது, அவர்கள் இரக்கமற்று வேலை நீக்கம் செய்யபடுவது பல மாநிலங்களில் நடக்கிறது. கார்ப்பரேட் அலுவலகத்தின் கவனத்திற்கு இதை கொண்டு சென்ற BSNLEU எடுத்த அனைத்து முயற்சிகளும், செவிடன் காதில் ஊதிய சங்காய் உள்ளதால் , 26.08.2013 அன்று நடைபெற்ற BSNLEU, மத்திய செயலக கூட்டம் பல்வேறு மாநிலங்களில் வேலை நீக்கம் செய்யபட்ட தொழிலாளர்களை மீண்டும் எடுக்க கோரி, 06.09.2013 அன்று கண்டன ஆர்ப்பாட்டங்கள் நடத்த முடிவு செய்துள்ளது , BSNLEU மாநில மற்றும் மாவட்ட சங்கங்கள் குறைந்தபட்ச ஊதிய மீது கார்ப்பரேட் அலுவலகம் உத்தரவுகளை செயல்படுத்த வேலை நீக்கம் செய்யபட்ட தொழிலாளர்களை மீண்டும் எடுக்க   சக்தி மிகுந்த ஆர்ப்பாட்டம் 06-09-2013 அன்று  நடத்த வேண்டும்.

ஒரு நாள் வேலை நிறுத்தம்-மத்திய செயலகம் முடிவு-

ஒரு நாள் வேலை நிறுத்தம்-மத்திய செயலகம் முடிவு- சுற்றறிக்கை எண்:81 CENTRAL SECRETARIATE DECISIONS TO GO ON ONE DAY STRIKE ON 27.09.2013

Read | Download

அம்பாசமுத்திரம் கிளை மாநாடு 25/08/2013. அன்று

BSNLEU &TNTCWU அம்பாசமுத்திரம்

 கிளை மாநாடு  25/08/2013. அன்று 

நடைபெற்றது தோழர் முகம்மது ஜாபர் 

BSNLEU மாநிலஅமைப்புசெயலர்

திருப்பூர் கலந்து கொண்டர்.......சிறப்புரை 

வழங்கிணார்

உணவு பாதுகாப்பு

ONIONS.........ONIONS.......

மர்மச் சுரங்கத்தில்மறைந்த கோப்புகள்

மர்மச் சுரங்கத்தில்மறைந்த கோப்புகள்

நிலக்கரிச் சுரங்கத்தைத் தோண்டினால் நிலக்கரிதான் கிடைக்க வேண்டும். ஆனால் நிலக்கரிச் சுரங்கங்களுக்கான உரிமங்கள் 

ஒதுக் கீடு விவகாரத்திலோ தோண்டத்தோண்ட விவ காரங்களாகவே வருகின்றன. முறைகேடுகளின் இன்றைய கட்டமாக, 

அந்த ஒதுக்கீடுகள் தொ டர்பான முக்கிய கோப்புகள் “காணாமல் போய் விட்டன” என்ற செய்தி வந்தது.

நிலக்கரித் துறை அமைச்சரை விட்டு நாடாளுமன்றத்தில் விளக்கம் தர வைத்து, எதிர்க்கட்சிகள் அதை ஏற்க மறுத்த 

நிலையில் இப்போது மத்திய அரசு பிடிவாதத்தைக் கைவிட்டுள்ளது. இப்பிரச்சனை குறித்த விவாதங்களின்போது பிரதமர் 

தலையிட்டு பதிலளிப்பார் என்று அரசு ஒப்புக்கொண்டுள்ளது. இதை முதலிலேயே செய்திருந்தால் இந்தப் பிரச்சனையில் 

நாடாளு மன்றம் இத்தனை நாட்கள் முடக்கப்பட்ட நிலைமை ஏற்பட்டிருக்காது.

பிரதமர் மன் மோகன் நிலக்கரித்துறை அமைச்சகப் பொறுப் பையும் ஏற்றிருந்த 2006 முதல் 2009ம் ஆண்டு வரையிலான 

காலகட்டத்தில் ஒப்புதல் அளிக் கப்பட்ட உரிமங்கள் தொடர்பான கோப்பு கள் கணிசமாக மாயமாகிவிட்டன என்பதால் தான் 

பிரச்சனையே எழுந்தது. ஆகவேதான் நாடாளு மன்றத்தில் அவரே பதிலளிக்க வேண்டுமென எதிர்க்கட்சிகள் 

வலியுறுத்தின.ஆனால், கோப்புகள் எதுவும் காணாமல் போகவில்லை, இடம் மாறியிருக்கக்கூடும், ஒரு சாதாரணப் 

பிரச்சனையை எதிர்க்கட்சிகளும் ஊடகங்களும் பெரிதுபடுத்துகின்றன என்றே காங்கிரஸ் தலைவர்கள் கூறிவந்தார்கள். 

ஒன்று மில்லாத பிரச்சனை என்றால் அதை நாடாளு மன்றத்தில் வந்து சொல்வதில் பிரதமருக்கு என்ன தயக்கம்? 

எதிர்க்கட்சிகளின் உறுதி யான நிலைப்பாட்டினால் இப்போது பிரதமர் தலையிடுவார் என்று அறிவிக்க வேண்டிய நிலை 

ஏற்பட்டிருக்கிறது. முதலிலேயே இந்த நிலைப்பாட்டிற்கு அரசு வந்திருக்குமானால் நாடாளுமன்ற நேரம் வீணாகியிருக்காது.

தலைமை கணக்குத் தணிக்கையாளர் (சிஏஜி) இந்த மெகா ஊழல் பற்றிய அறிக்கையை வெளியிட்டபிறகு, 

உச்சநீதிமன்றம்தான் சிபிஐ விசாரணைக்கு ஆணையிட்டது. அமைச்சகத் திடமிருந்து குறிப்பிட்ட சில ஆவணங்களை சிபிஐ 

கடந்த மே மாதமே கேட்டிருந்தது. ஆனால் அமைச்சகம் பதிலளிக்காமலே இருந் தது. மொத்தம் 225 வகையான 

ஆவணங்களை கேட்டிருந்தது. அமைச்சகம் கொடுத்திருப்பதோ 68 ஆவணங்கள்தான். ஆக, எந்த ஆவணங் களைக் கொடுப்பது 

எவற்றைக் கொடுக்காமல் இருப்பது என்று முடிவு செய்வதற்குத்தான் இழுத்தடிக்கப்பட்டதோ என்ற நியாயமான ஐயம் 

எழுகிறது. இன்றைய டிஜிட்டல் பதிவு யுகத்தில், பழைய கோப்புகள் ‘காணோம்’ என்று சொல் லப்படுவதை யார் நம்பு வார்கள்?

ஆவணங் களை “மறுகட்டுமானம்” செய்ய - அதாவது திருத்தியமைக்க - அமைச்சகம் முடிவு செய்திருப்பதாக வந்த 

செய்தியோடும் இதை இணைத்துப் பார்க்காமல் இருக்க முடி யாது.இந்த விவாதத்தில் பிரதமர் தலையிடுவார் என்று 

இப்போதாவது அறிவிக்கப்பட்டிருப்பது வரவேற்கத்தக்கதுதான். அந்தத் தலையீடு “காணாமல் போன” ஆவணங்களை மீட்பது 

தொடர்பாகத் திட்டவட்டமான நிலைகளைச் சொல்வதாக, வழக்கில் சரியான தீர்ப்பு வர உதவுவதாக இருக்க 

வேண்டுமேயன்றி, பூசி மழுப்புகிற வேலையாகிவிடக்கூடாது.

கம்பெனி விவகாரங்களில் தலையிடுவது இல்லையாம்!

கம்பெனி விவகாரங்களில் தலையிடுவது இல்லையாம்!
அனில் அம்பானியின் மனைவி சொல்கிறார்

---

சிபிஐ சிறப்பு நீதிமன்றத்தில் ஆஜராக வந்த டினா அம்பானி.

புதுதில்லி, ஆக.23-2ஜிஸ்பெக்ட்ரம் ஊழல் வழக்கில் நீதிமன்றத்தில் ஆஜ ரான அனில் அம்பானியின் மனைவி டினா அம்பானி, கம் பெனி விவகாரங்களில் தலையி டுவதே இல்லை என்று சாட்சி யமளித்திருக்கிறார். ஸ்பெக்ட்ரம் அலைக்கற்றை உரிமம் பெற்ற நிறுவனங்களில் ஒன்று ஸ்வான் டெலிகாம். இது ரிலையன்ஸ் குழுமத்தால் தொ டங்கப்பட்டது என்றும் போது மான தகுதி இல்லாமலேயே ஸ்பெக்ட்ரம் அலைக்கற்றையை முறைகேடாக பெற்றதுஎன்றும் சிபிஐ வழக்குப் பதிவு செய்துள் ளது. இதில் ரிலையன்ஸ் குழும அதிகாரிகள் மூவர் கைதும் செய்யப்பட்டனர்.

இந்த வழக்கில் ரிலையன்ஸ் குழுமத் தின் தலைவர் அனில் அம்பானி, மனைவி டினா அம்பானி ஆகியோர் சிபிஐ தரப்பு சாட்சி யமாக்கப்பட்டுள்ளனர். இவர்கள் சாட்சியமளிக்க வரு மாறு சிபிஐ சிறப்பு நீதிமன்றம் சம்மன் அனுப்பியிருந்தது. இந்த சம்மனை ரத்து செய்ய பகீரத முயற்சிகளை அனில் அம்பானி யும் மனைவி டினா அம்பா னியும் மேற்கொண்டனர்.ஆனால் எதுவும் பலனளிக் காத நிலையில் வியாழனன்று அனில் அம்பானி சிறப்பு நீதி மன்றத்தில் சாட்சியமளித்தார். அவரிடம் 2 மணி நேரம் நடத் தப்பட்ட விசாரணையில் பெரும்பாலும் எனக்கு நினை வில் இல்லை; எனக்குத் தெரி யாது என்ற பதில்களையே தெரிவித்திருக்கிறார். அதுவும் ஸ்வான் டெலிகாம் என்ற நிறு வனம் பற்றிக் கேள்விபட்டதே இல்லை என்று துணிந்து பொய் கூறினார்.

டினா அம்பானி ஆஜர்

இதனிடையே வெள்ளி யன்று அனில் அம்பானியின் மனைவி டினா அம்பானி சிபிஐ நீதிமன்றத்தில் ஆஜராகி சாட்சி யமளித்தார். அப்போது டினா அம்பானி, “நான் ஒரு சமூக சேவகி சமூக சேவைகளில் ஈடு பட்டுக் கொண்டே குடும்பத்தை யும் பார்த்துக் கொள்கிறேன்” என்றார். மேலும் நான் கம் பெனி விவகாரங்களில் எல்லாம் தலையிடுவதும் இல்லை” என்றும் அவர் கூறினார்.

தீக்கதீர்

இரண்டாம் நாள் தர்ணா 22-08-2013

 இந்தியா முழுவதும் BSNL ஊழியர் சங்கத்தின் தலைமையின் கீழ் தேங்கி கிடக்கும் 30அம்ச ஊழியர் பிரச்னைகளுக்காக 3 நாட்கள் தொடர் தர்ணா போராட்டம் 21-08-2013 முதல் 23-08-2013 வரை நடைபெறுகிறது 

முதல் நாள் தர்ணா

 இந்தியா முழுவதும் BSNL ஊழியர் சங்கத்தின் தலைமையின் கீழ் தேங்கி கிடக்கும் 30அம்ச ஊழியர் பிரச்னைகளுக்காக 3 நாட்கள் தொடர் தர்ணா போராட்டம் 21-08-2013 முதல் 23-08-2013 வரை நடைபெறுகிறது 

முதல் நாள் தர்ணா

        

போனஸ்

போனஸ்

புதிய போனஸ் ஃபார்முலா உருவாக்குவதில்

உள்ள காலதாமதத்தைக் கண்டித்தும்

போனஸ் என்பது கொடுபடா ஊதியமே என்பதால்

போனஸ் வழங்கப்பட வேண்டும் என்பதை வலியுறுத்தியும்

போனஸுக்கும் நிறுவனத்தின் லாபக் கணக்கிற்கும்

தொடர்பு படுத்த அவசியமில்லை

என்ற DPE வழிகாட்டுதலை சுட்டிக்காட்டியும்

                                                     

                                                                                                                                 நடைபெற இருக்கும்

ஒரு நாள் வேலைநிறுத்தம் உட்பட்ட போராட்டத்தில்

போனஸ் ஒரு கோரிக்கை என்பதை நினைவுபடுத்தியும்

ஒரு மாத ஊதியத்தை போனஸாக வழங்கக் கோரியும்

நமது பொதுச் செயலர்

தேவையான உத்தரவு நகல்களுடன்

நிர்வாகத்திற்கு கடிதம் எழுதியுள்ளார்.